舞台上的太鼓

太鼓表演究竟係點嚟架?

平時聽到太鼓，自自然然就會諗起太鼓之達人，而太鼓之達人我地就玩得多啦，喺機鋪都見到唔少太鼓遊戲機，但除左知道係嚟自日本外, 真嘅太鼓究竟喺點嚟你地又知唔知呢?依家就話比你地聽啦!

喺講解之前, 先要簡單講述一下太鼓的歷史, 好多人認為日本鼓就喺太鼓, 但其實太鼓只喺大眾對日本鼓的統稱，太鼓文化喺日本源遠流長，史書顯示經已有二千年以上嘅歷史，而一直以黎太鼓都喺用作祭典工具同激勵軍隊士氣。到近代，太鼓先漸漸成成歌舞伎同傳統日本祭典嘅伴奏樂器。

圖片來源: http://ondekoza.com/gallery.html

但令到太鼓能夠搬上表演舞台，就要講到日本最為著名嘅太鼓隊伍「鬼太鼓座」。喺1975年嘅波士頓馬拉松中，鬼太鼓座喺波城舞台上以太鼓演奏，自此震驚世界，為世人所認識，太鼓亦由配角正式成為主角，所以除左日本本地，太鼓喺北美地區亦都非常盛行。時至今日，世界各地都衍生出林林種種嘅太鼓隊伍，每隊鼓隊都各有特色，百花齊放，大家日後除左玩太鼓之達人外，亦不妨可以認識下佢地架！